Renzo e Lucia

…alla scoperta di Milano

Se ten diset oh Luzzia
de sta bella e gran città
cònt el Dom e la Galeria
semper piena de gagà.

Si Milan l’é un gran Milan
però el noster lagh còl paesel
quiett tranquil senza cancan
mi el trovi pussee bel.

Vutumobil tramvai
che te schiscen fina i cai
ma là inveci quanta pas
sota el ciel che par de ras.

Chi se mangia la busecca
num aghem i pui che becca
chi a Milan gh’é el panatum
num aghem el Resegun.

Chi gh’é i don che adree al navili
laven giò di gran bulett
num inveci oh meravili
vem su l’Ada cui barchett.

Si anca ti te ghe resun
ma ricordes che Milan
l’é la patria del Manzun
del Manzun porcu can

Che l’é quel che là immurtalaa
el rumans del noster amur
un amur tant cuntrastaa
che per grazia del Signur
là finì per triunfaa.

Menter tucc chi baloss
che man fà tant tribulà
sin vanzà con rott i oss
E adess vosum tucc du
Viva Milan, Milan e poeu pù

Mons. Giuseppe Cereda
Teologo del Duomo di Milano
1960